Bloggfærslur mánaðarins, desember 2007
4.12.2007 | 20:49
Ökufantaendurhæfingamiðstöð
Maður verður svo ótrúlega máttlítill og magnvana gagnvart fólki sem fer eins og litlar drápsveirur út í umferðina með alkóhól í æðum eða keyrandi á blússandi ferð ógnandi lífi og limum saklauss fólks. Eins og of mörg sorgleg ótímabær dauðsföll sanna AAAARG. Hefur þetta fólk ekki séð myndir af stúlkunni sem höfuðleðrið brann af (hjá Opruh/hef líka séð hana annars staðar).
Hver vill verða valdur að svona?
Þetta var gullfalleg ung stúlka fyrir þetta slys og þeim hlýtur báðum að líða hræðilega henni og ökumanninum, það sem bæði eiga eftir ólifað.
Getur fólk ekki hugsað: ,,kannski verður einstaklingurinn sem ég drep í kvöld amma mín eða frændi sem í sakleysi sínu er í gönguferð.
Hvað er fólk eiginlega að hugsa eða öllu heldur ekki að hugsa. Því skelfilegar afleiðingar slysa sem fólk veldur undir áhrifum eða af ofsaakstri hljóta að vera ömurlegar þeim sem veldur.
Dægurmál | Slóð | Facebook | Athugasemdir (0)
2.12.2007 | 19:42
Barnabókmenntir
Alveg þrælskemmtilegt fyrirbæri. Heimurinn hefur sem betur fer skaffað okkur marga góða barnabókarithöfunda þó ég vona að enginn móðgist þó ég segi að það komist enginn með tærnar þar sem Astrid Lindgren hefur hælana. Við eigum samt marga mjög góða. Á þessu heimili eru í uppáhaldi meðal annarra bækurnar eftir Bergljótu Arnalds. Stafakarlarnir góðu hafa fylgt syni mínum sl. ár og er svo komið að hann veit alveg hver á hvaða staf, nánast alla. Svo á hann alveg frábæra jólasveinabók sem er einnig eftir Bergljótu. Hins vegar er nú svolítið strembið að ná öllum þessum nöfnum á þessum skrítnu köllum. Hann benti um daginn á jólaköttinn í bókinni og sagði: Þarna er Kattalúði. Hurðaskellir fékk nýnefnið Skellisníkir og Stúfur er litli jólasveinastrákurinn. Svo er það hann Gluggagámur :) Hann er hins vegar alveg viss á því að Grýla sé ekki til í alvörunni. Hlýtur að vera skemmtilegur starfi að setja saman góðar barnabókmenntir. Ég ætla að gera það í næsta lífi. Atburðir helgarinnar:
Litli frændi minn varð 1 árs
Fara á kaffihús með Önnu vinkonu og Kára
kíkja á nýju sætu íbúðina hennar Brietar
Fara á Wham show með Jónu, Þóru og Jónu og hitta þar vini mína frá wham tímabilinu, Nonna og Maggý :) (Friðrik var æðislegur og Jógvan bara fínn)
Vinna Fylki 3-0 í blakinu
Heimsækja Ísak, Rannveigu og Óðinn
Baka súkkulaðibitakökur
Hef bloggið stutt og laggott svo kökurnar brenni ekki við í ofninum.
Dægurmál | Breytt 3.12.2007 kl. 15:03 | Slóð | Facebook | Athugasemdir (1)
Tenglar
Áhugaverðir vefir
- Heimildamyndir
- Flotta heilsuhótelið hennar Evu minnar í Efri-Vík hjá Klaustri
- Fræðsluefni
- Íslandsvefur
- Þingeyri
- Gagnvirkir námsvefir ýmislegt gagnlegt
Aðrir bloggarar
Fjölskyldan
Bloggvinir
Heimsóknir
Flettingar
- Í dag (19.5.): 0
- Sl. sólarhring:
- Sl. viku:
- Frá upphafi: 0
Annað
- Innlit í dag: 0
- Innlit sl. viku:
- Gestir í dag: 0
- IP-tölur í dag: 0
Uppfært á 3 mín. fresti.
Skýringar