31.8.2008 | 22:36
Fall er fararheill?
Las frétt um barn sem lifði af fall af þriðju hæð með hjálp bleiu og þá rifjaðist upp að það var fyrir tæpum 40 árum að ein ónefnd frænka mín lagði af stað í könnunarleiðangur upp úr rimlarúminu sínu og upp í gluggakistu. Hún var ung mjög öflug og fór snemma af stað. Þarna var hún um 1 árs og bjó í Efra-Breiðholtinu á fjórðu hæð í blokk. Glugginn hennar var opinn, mamma og pabbi með gesti frammi í stofu og litla hnátan átti að sofa á sínu græna. Hins vegar varð forvitnin syfjunni yfirsterkari og frá gluggakistunni í herberginu sínu féll hún niður á mölina fyrir neðan. Ég hef oft hugsað um undrunarsvipinn sem hlýtur að hafa komið á manninn sem sá hana frænku mína hefja sig til flugs í fyrsta sinn. Ekki veit ég hvað bjargaði henni nema ef vera skyldi óttaleysi óvitans sem ekki hafði vit á að spenna sig upp í ævintýrinu en hún var að skríða af stað þegar maðurinn kom hlaupandi að. Svo hef ég líka oft spáð í þessa reynslu sem foreldrar hennar fengu að það hringir maður á dyrabjölluna og spyr: Getur verið að barnið þitt hafi dottið út um gluggann. Martraðakennt hlýtur að vera en hægt að brosa að því eftir á fyrst ekki fór verr og umrætt barn er í dag hámenntuð söngkona og nýbúin að gefa út plötu sem ég á eftir að ná mér í. Skyldi það vera tilviljun að hún syngur eins og engill ?
Við skelltum okkur ásamt Andreu vinkonu Berglindar á Wall-E á laugardaginn. Hún var alveg ágæt, svolítið ýkt samt, raunveruleikinn í nútímanum var heldur napur og ótrúlegur og ástarmál vélmennanna, tja ég varð fyrir smá vonbrigðum þar sem hún fékk svo góða dóma.
Fékk svo góða gesti í dag, Ingu frá Akureyri og Brieti, sem kíktu við í sólinni í dag. Undursamlegt veður. Við röltum svo í ljúfar skonsur yfir voginn til Rannveigar og hittum frændurna. Þeir gátu leikið sér endalaust.
En vinna snemma á morgun sem bíður Farin að sofa
Tenglar
Áhugaverðir vefir
- Heimildamyndir
- Flotta heilsuhótelið hennar Evu minnar í Efri-Vík hjá Klaustri
- Fræðsluefni
- Íslandsvefur
- Þingeyri
- Gagnvirkir námsvefir ýmislegt gagnlegt
Aðrir bloggarar
Fjölskyldan
Bloggvinir
Heimsóknir
Flettingar
- Í dag (19.5.): 0
- Sl. sólarhring:
- Sl. viku:
- Frá upphafi: 0
Annað
- Innlit í dag: 0
- Innlit sl. viku:
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Athugasemdir
Hej Gyða og Sómi, hvernig væri að skella sér í göngutúr einhvern tímann bráðum????? Títus er orðinn ansi óþolinmóður og ég er farin að hlakka mikið til! Heyrumst,
Susanne
Susanne (IP-tala skráð) 2.9.2008 kl. 14:56
hæbbs, ekki spurning um að drífa í því. Æðislegt að fá ykkur heim, bara velkomin
Gyða Björk (IP-tala skráð) 2.9.2008 kl. 19:24
Svo eigum við líka eftir að "labbast á"!!
Þú ættir nú að auglýsa plötu frænkunnar með því að hafa hana ekki "ónefnda"!!;)
Rakel (IP-tala skráð) 2.9.2008 kl. 21:36
Hæ og takk fyrir síðast. Gaman að kíkja á þig. Nú veit ég hvernig þú býrð og get fylgst með baðherbergisfréttunum að innlifun. Verðum í bandi. Kveðja að norðan. Inga.
Inga (IP-tala skráð) 2.9.2008 kl. 22:45
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.