Blessuð jólin

stressuð ........ Ég, nei.  Nú eru kökurnar orðnar hreinar, búin að skrifa tréið, falda kortin, steikja marsipankonfektið, setja pakkana í ofninn, börnin liggja undir trénu og húsið komið í háttinn.  Nú mega jólin bara koma.  Ég er tilbúin með allt.  Gleðileg jól.

Fékk svona skondið sms skeyti í gærdag, aðfangadag frá vinkonu minni

Við fengum skemmtilega heimsókn á Þorláksmessu.  Ketkrókur sjálfur mætti í Háagerðið á ljósaskreyttum jeppa.  Hér voru þrjú gapandi börn, Arnar Máni, Berglind Eva og Helga vinkona hennar.  Auk þess unglingurinn hún Rakel og var Ketkrókur með gjafir handa öllum.  Set hér myndir af þessari merkisheimsókn.

 

Aðfangadagur í gær var hefðbundinn að venju og ekki tekið í mál að breyta hið minnsta út af með mat eða aðrar hefðir.  Möndlugrautur í hádeginu og dýrindis hamborgarhryggur með gómsætu meðlæti í gærkvöld.  Hér flæddu eins og sjálfsagt víðast annars staðar góðar gjafir gefnar af kostgæfni og hlýleik fyrir hvern og einn.

Megi ljós friðarins lýsa hjá ykkur, gleðilega hátíð