Vonbrigði

Já það er nú gott á meðan vonbrigðin tengjast bara bíómyndaframleiðslu en við Íris skelltum okkur í bíó í gær að sjá Bafta og Golden Globe verðlaunamyndina Atonement.  Skemmst er frá því að segja að okkur Írisi fannst hún báðum alveg hroðalega langdregin.  Söguþráðurinn er svo sem áhugaverður en hefði mátt gera honum skilvirkari hátt að okkar mati.  Vona að ég eyðileggi ekki væntingar annarra þar sem ég var búin að hlakka þvílíkt til að sjá þessa mynd, búið að standa til lengi.  Verum minnug þess að ekki hafa allir sömu skoðanir.  Alla vega erum við á geröndverðum meiði við kvikmyndaspekúlanta sem eru búnir að margverðlauna þessa mynd og þið gætuð alveg átt betri skoðanasamleið með þeim.

 

Sá hins vegar trailerinn úr Flugdrekahlauparanum, rosalega hlakka ég til að sjá þá mynd.  Bókin er svo frábær.  Mæli með því að lesa hana.

 Flúðir, góður matur, sofa út, heitur pottur, lesa, spila, syngja, skemmta sér í hópi eðalkvenna.  Það er s.s. framundan um helgina.  Stendur til að njóta þess í botn. 

Ætla að skoða nýjasta undrið í fjölskyldunni áður en ég fer.  

Góðar stundir 

Athugasemdir

[Susanne (IP-tala skráð) 25.2.2008 kl. 10:28]

Ég sá Flugdrekahlauparann um daginn í Þýskalandi og get sagt þér það, að myndin var ekkert slakari en bókin, bara alveg æðisleg (þó að hún hafi verið með þýsku tali.....)! Svo þú mátt alveg hlakka til að fara á hana. En ég verð nú samt að viðurkenna að ég lokaði augunum á þeim köflum sem ég vissi að væru ekkert fyrir mína viðkvæma sál......

Kær kveðja úr sænska sólskininu,

Susanne

[Íris Fríða , 27.2.2008 kl. 09:59]

Oh þessi mynd var svooo slæm..... Artí fartí fólki finnst hún kannski þolandi, listræn og fín, en þeir sem eru að leita sér að skemmtun eiga ekki erindi sem erfiði!