Hitt og þetta

Við Berglind Eva fórum á kynningarfund hjá skátafélaginu Mosverjum í vikunni en hún ætlar að vera í skátunum í vetur með Helgu vinkonu sinni. Mér leist rosalega vel á þetta. Eftir fundinn var boðið upp á heitt kakó og grillaðir sykurpúðar yfir eldi. Þetta verður vonandi gaman. Hún er aðeins tognuð í hendinni eftir trampolínslys heima hjá Helgu og komin með fatla, en ekkert alvarlegt. Þarf bara að fara varlega.

Mínar kæru blaksystur fara eitthvað rólega af stað og við mættum bara tvær á æfingu á fimmtudaginn. Hin nennti ekki að blaka í dúói svo ég blakaði bara við veggina og skellt mér í körfu, bara til að hreyfa mig smá. Vonandi verður heimtan betri í næstu viku.

Fyrstu vikurnar í skólanum hafa annars farið í óóóóótrúúúúlega marga fundi út af hinu og þessu og mér finnst ég varla byrjuð að geta undirbúið kennslu og skipulagt í kringum mig, sem þýðir bara að ég þarf aðeins að kíkja upp í skóla í dag til að minnka óreiðuna og helst koma öllu á hreint.

Hápunktur dagsins er hins vegar fótboltaleikur sem ég fer á á eftir klukkan eitt, en þá keppir hún Hrefna Guðrún Bryndísardóttir (systur) um íslandsmeistaratitil í sínum flokki í fótbolta. Frábær árangur hjá henni. Liðið hennar Afturelding er með betri liðum á landinu og ekki hægt annað en að vera stoltur af þessari fallegu frænku sem vildi helst leika með bolta og bíla þegar hún var lítil. Áfram Hrefna.

 

 

 

 

 

 

 

 

 

 

 

 

Stefni að því að hitta Írisi mína og Brieti grasekkju um helgina.

Farin af stað á leikinn.

Að lokum, fékk þetta sent og grenjaði af hlátri.

 

 

Athugasemdir

[Anna Viðarsdóttir, 6.9.2008 kl. 14:07]

Já, þetta er ótrúlega fyndinn hrekkur. Var búinn að sjá þetta áður og vildi óska að ég skildi þýskuna betur. En þetta er alveg bráðsniðug hugmynd þarna.

[Gyða Björk (IP-tala skráð) 6.9.2008 kl. 17:05]

Sæta frænkan mín er íslandsmeistari í 5. flokk kvenna og skoraði annað sigurmarkið sjálf í 2-0 sigri