Viðskiptatækifæri

Einföld lausn ef börnin ykkar eru mjög óþekk.  Leigist á 1.500 krónur á tímann.  

   

Og annað.  Það greinilega borgar sig að tala fornt mál.  Rakel María dóttir mín hneykslast og hváir ef ég nefni gömul orð.  Úr frægri verslunarferð okkar í Kringlunni.  Réttu mér skriffæri sagði ég: hva?  Það er bannað að handleika hlutina, hva?  Mér skilst að textinn í samræmdu prófi í 4. bekk hafi verið 40-50 ára gamall.  Dóttirin (Berglind Eva) brilleraði og aðeins örfá prósent talin á annarri hendi voru hærri en hún í íslenskuprófinu.    Vona að mér fyrirgefist að opinbera stolt mitt hér.

Það er kominn smá frumsýningarkvíði í mína, en æfingarnar tvær í dag gengu þrusuvel svo það ætti að vera óþarfi  Nú ætti ég ekki að eiga á hættu að gestir jólaskemmtunarinnar á morgun rekist hér inn þar sem klukkan er rúmlega miðnætti.  Ég samdi leikrit þar sem allir nemendur bekkjarins eru með hlutverk.  Í stórum dráttum snýst leikritið um að þátturinn Allt í drasli kemur í heimsókn í Grýluhelli.   Allir jólasveinarnir eru settir í þrif m.a. við að tæma koppa, losa burt köngulóarvefi og ýmislegt.  Í lok leikritsins kemur svo þátturinn Innlit-útlit í heimsókn í Grýluhelli með alls konar brilljant komment.

Hlakka til að sýna

Mín dóttir var Þvörusleikir í jólasveinavísum Jóhannesar úr Kötlum á skemmtilegri jóladagskrá í Breiðagerðisskóla í dag.  Hún stóð sig vel.  Það var ball með lúðrasveit og svo sameiginlegt hlaðborð. 

Gangi ykkur vel að undirbúa heilög jól.

Athugasemdir

[Bryndís (IP-tala skráð) 19.12.2007 kl. 23:52]

Til lukku með duglegu frænkuna :) Ég fæ líka ábendingar um að tala ekki fornmál hérna heima hjá mér, hehe.

[Einar Bragi Bragason., 20.12.2007 kl. 01:08]

Þér megið gjarnan segja þessari þekku tátu að hún eiga að taka yður til fyrimyndar...

[Íris Fríða , 20.12.2007 kl. 15:41]

Hehe já nú veit ég hvaðan ég fékk þetta.  Þegar ég tala um jór hlær fólk að mér!

[Björgvin Kristinsson, 20.12.2007 kl. 19:18]

Fylgir hundurinn með?